Tuesday, December 13, 2016

ആര് നീ

ആര് നീ?
അനന്ത വിഹായുസിൽ
പാറി പറന്നിരുന്നതോ?
സ്വർഗ്ഗ കവാടത്തിൽ
നിന്ന് ഭൂവിലക്ക്
അയച്ച പൊടിയോ?

മാതാവിൻ ഗർഭപാത്രത്തിൽ
ഒരു കടുകു കണക്കെ
നീ ഉരുവായി.
മനസും ശരീരവും
മാസങ്ങൾ കൊണ്ട്
ഉറച്ചു തുടങ്ങി.

അന്തകാരത്തിൻ അടിമയോ
എന്ന് പാലയാവർത്തി
നീ ആരാഞ്ഞു.
കാലം തികഞ്ഞപ്പോൾ
നീ ഉരുവായി
വെളിച്ചത്തിലേയ്ക്കു.

ആര് നീ?
വെളിച്ചത്തിൻ അടിമയോ
എന്നായി അടുത്ത ചോദ്യം.
മർത്യര്‍ എല്ലാം അടിമകള്‍
ഒന്നല്ലെങ്കിൽ മറ്റൊരാളുടെ,
എല്ലാം അടിമകൾ.

നടക്കാൻ ആകാതെ
രണ്ടു വർഷം.
വാക്കുകൾ തെളിയാതെ
രണ്ടു വർഷം.
അക്ഷരങ്ങൾ പഠിക്കാൻ
അതിലേറെ വർഷം.
എന്നിട്ടും,
ആര് നീ?

വിദ്യ അഭ്യസിച്ചു 
ലോകം വെട്ടി പിടിക്കാന്‍ 
ഇറങ്ങി തിരിച്ചു. 
ലോകം അടിമയാക്കി
പിന്നീട്  ലോകവും വിട്ടു
ആര് നീ?

അടിമയെ നഷ്ടപെട്ടവര്‍ 
വേറൊരു അടിമയെ കണ്ടെത്തി
അടിമ തന്നോട് ചോദിച്ചു
ആര് നീ?

No comments: