Friday, December 2, 2016

ആരോ അവര്‍

കണ്ണ് തുറന്നു കണ്ടതാരെയോ അവള്‍ അമ്മ
അവള്‍ കാണിച്ച പുരഷന്‍ അച്ഛന്‍
അവര്‍ വിളിച്ച നാമമോ എന്‍ പേര്‍
അവര്‍ കാണിച്ചവര്‍ സഹോദങ്ങള്‍ 
ചുറ്റുമുള്ളവര്‍ ആരൊക്കെയോ അവര്‍ വീട്ടുകാര്‍
ഒരുമിച്ചു കളിച്ചു തുടങ്ങിയവര്‍ കൂട്ടുകാര്‍
വിദ്യ പടിപിച്ചവര്‍ അധ്യാപകര്‍
എല്ലാവരും ചേര്‍ന്ന് കണ്ടുപിടിച്ചവള്‍ ഭാര്യ. 
വീണ്ടും ഒരാവര്‍ത്തനം
പുതിയ ഞാന്‍ എന്‍റെ മക്കള്‍ 

മഴ മാറി വെയില്‍ വന്നു 
കറുപ്പ് പോയി വെളുപ്പു വന്നു 
സ്നേഹം മാറി വെറുപ്പ്‌ വന്നു
കണ്ടിരിക്കും ജനം മാറി മറിഞ്ഞു

ആരോ വഴിനടത്തി 
ആരോ ആക്രോശിച്ചു
ആരോ കടന്നു പിടിച്ചു 
ആരോ വാതിലടച്ചു 

ഓര്‍മ്മകള്‍ മരവിച്ചു
കണ്ണുകള്‍ അടഞ്ഞു
ശരീരം തണുത്തു
ശ്വാസം പോയി മറഞ്ഞു

ആരൊക്കെയോ പുതപ്പിച്ചു
ആരൊക്കെയോ വിലപിച്ചു 
ആരൊക്കെയോ ചിരിച്ചു
ആരൊക്കെയോ കത്തിച്ചു 

ആരാണ് ഞാന്‍ 
ആരാണ് ശരി 
ആരോ നിശ്ചയിച്ചു -
പഠിപ്പിച്ച എന്തോ !

 



No comments: