Sunday, December 4, 2016

നടന്നു നീങ്ങി

അവള്‍ നടന്നു നീങ്ങി
ജനസമുദ്രത്തില്‍ ഒരു ഒച്ചിനെ പോലെ
തട്ടി വീഴുമോ എന്ന് ഭയപെട്ടു ഞാന്‍
ഓരോ കാല്‍വെപ്പ്‌ നോക്കി നിന്നു.

ഒഴുകുന്ന സമുദ്രം അവളുടെ ലക്‌ഷ്യം മായിച്ചില്ല
അടിക്കുന തിരകള്‍ അവള്‍ കണ്ടില്ല
പായുന്നത്‌ വാഹനങ്ങളെന്നോ അറിഞ്ഞില്ല
മെല്ലെ അവള്‍ നടന്നു നീങ്ങി

ചിലര്‍ ചിരിച്ചു
ചിലര്‍ പരിഹസിച്ചു
ചിലര്‍ ആട്ടിപായിച്ചു
മെല്ലെ അവള്‍ നടന്നു നീങ്ങി

മുന്നില്‍ തടസം എന്ന് അറിയാതെ
അരികില്‍ കുഴി എന്നറിയാതെ
അളന്നു മുറിച്ചും കിഴിച്ചും
മെല്ലെ അവള്‍ നടന്നു നീങ്ങി


എന്തിനു സൃഷ്ടി കര്‍ത്താവു
ഇങ്ങനൊരു ജന്മം നല്‍കി.
എങ്ങനെ ലക്ഷ്യത്തില്‍ എത്തും
എന്ന് ഞാന്‍ നിനച്ചു പോയി.

കണ്ണില്‍ ഈറനും
മനസ്സില്‍ ഇരുട്ടും
കാലുകള്‍ക്ക് ഭാരവുംമായി
മെല്ലെ ഞാനും നടന്നു നീങ്ങി





No comments: