Sunday, February 5, 2017

അന്ത്യ നിമിഷം

ഞാൻ അകന്നു
സ്നേഹിതരിൽ നിന്ന്
രക്ത ബന്ധങ്ങളിൽ നിന്ന്
പരിചയകാരിൽ നിന്ന്.

ഞാൻ ഓർത്തു
എന്റെ ബാല്യം
എന്റെ കൗമാരം
എന്റെ ജീവിതം.

ഞാൻ പശ്ചാത്തപിച്ചു
എന്റെ തെറ്റുകൾ കണ്ട്‌
എന്റെ നഷ്ട നാഴികയെ ചൊല്ലി
എന്റെ കർമ്മങ്ങളെ നിനച്ച്‌.

ഞാൻ ഭയന്നു
രക്തം കട്ട പിടിക്കുന്നതോർത്തു
ഹൃദയം നിശ്ചലമാകുന്നതോർത്തു
ശ്വാസം പോയി മറയുന്നതോർത്തു.

ഞാൻ എഴുതി
അവസാനമായി
ആർക്കോ വേണ്ടി
എന്തിനോ വേണ്ടി.

ഞാൻ കേട്ടു
ഹൃദയം പെരുമ്പറ കോട്ടുന്നു
ഞരംബുകൾ മുറുകുന്നു
ശ്വാസം നിലയ്ക്കുന്നു
ആരൊക്കെയോ നിലവിളിക്കുന്നു.

No comments: