Sunday, June 4, 2017

നീയും ഞാനും

ഞാൻ നിന്നെ സ്‌നേഹിച്ചു,
നീ എന്നെ വെറുത്തു.
ഞാൻ നിന്നെ കരുതി,
നീ എന്നെ അവഗണിച്ചു.
നിനക്കു ഞാൻ റോസാ പുഷ്പം സമ്മാനിച്ചു,
എനിക്കു നീ മുള്ളുകൾ തിരികെ തന്നു.
ഞാൻ നിനക്കായി കാത്തിരുന്നു,
നീ എന്നെ മറന്നു.
ഞാൻ എന്റെ സൗഹൃദം വെട്ടിച്ചുരുക്കി,
നിനക്കു സുഹൃത്തുകൾ അനേകാരായി.
എന്റെ കണ്ണിൽ നിണം ഒഴുകി
അതു കണ്ടു നീ ആർത്തട്ടഹസിച്ചു.
എന്റെ കുടുംബം ചാരമായി,
അതും കൂട്ടി നിന്റെ ഭവനം പണിതു.
എന്റെ മക്കൾ അനാഥരായി,
നിന്റെ മക്കൾ അവരെ പുശ്ചിച്ചു.
ഞാൻ ആരെന്നു നീ ചോദിച്ചു
ഞാൻ ഒരോർമ്മ ആയി.
പുതു വസന്തങ്ങൾ നിനക്കായി കാത്തിരുന്നു,
എന്റെ ജീവനറ്റ ദേഹി മഴയിൽ ഒളിച്ചുപോയി.
എന്റെ കാലം കഴിഞ്ഞു,
പുതിയ ഞാൻ അവതരിച്ചു.
നീ ആർത്തട്ടഹസിച്ചു,
നീ പഴയതു ആവർത്തിച്ചു.
കാലം കഴിഞ്ഞു
നീ മാറിയില്ല.

No comments: